Álag streita

Í  þetta sinn vil ég greina frá álagi og streitu sem var afleiðing af mjög grófri meðferð sem ég hef verið beitt.  Ég hef áður í þessum greinum sagt frá atburðarrás sem átti sér stað á mínum vinnustað vorið 2007  aþegar læknir og lögregla mættu á vinnustaðin og ég var tekin og svipt sjálfræði.  Afleiðingarnar af þessari skelfilegu, grófu  og miskunnarlausu meðferð var langvarandi streita, öryggisleysi, vöðvabólgur og hár blóðþrýstingur kom upp  og varð viðvarandi vandamál.  Blóðþrýstingur fór í 200-120 og reyndist það vera viðvarandi vandamál sem ég á í enn í dag.  hræðslan lýsti sér með þeim hætti að um tíma var ég allar vökustundir logandi hrædd um að lögregla og læknir bönkuðu uppá, ég gat hvorki slakað á heima eða í vinnunni.  Dyrabjallan mátti ekki hringja þá skulfu lappirnar og hjartsláttur fór á fullt og ég varð alltaf að tékka á hver var að banka uppá á mínum vinnustað ég athugaði alltaf sjálf hver var að koma ég var sífellt hædd um að það væri verið að sækja mig.  Það var búið að svipta mig allri öryggistilfinningu sem ég hafði haft á vinnustað, núna var vinnustaðurinn ekki lengur skjólið sem ég hafði alltaf haldið að vinnustaðurinn væri.  Þegar ég var að keyra úti í umferðinni mátti ég ekki sjá lögreglubíl þá hugsaði ég  ,,skyldi lögreglan vera á leiðinni heim til mín eða á vinnustaðin að sækja mig,,.  Eftir þetta skelfilega vor 2007  átti ég einnig við miklar vöðvabólgur að stríða með tilheyrandi óþægindum,  þetta vöðvabólgutímabil stóð yfir í c.a. tvö ár.  Eftir þessa skelfilegu reynslu var óhóflegt álag og streita daglegur förunautur minn í um tveggja ára skeið með framangreindum einkennum.  Versta einkennið var stöðug hræðslan,  það er skelfilega vond líðan að vera alltaf hrædd og stöðugt á varðbergi.  Enn í dag get ég ekki skilið hvers vegna hámenntaður læknir tekur þátt í svona hrikalega grófu ferli og það á vinnustað fólks.  Ákveðnir aðstandendur nota nauðungarvistun og sjálfræðissviptingu sem stjórntæki ef þeim líður illa enda voru ósannindin sem læknirinn bar upp með ólíkindum, sumir vinnufélagarnir brugðust mjög reiðir við.  Fólk vill sýna mátt sinn og megin þess vegna fæ ég að kenna illa á því, það hafði myndast ákveðin stemming hjá ákveðnum aðstandendum og þá var-er þeim ekkert heilagt.Þegar fólk hefur einu sinni verið svipt sjálfræði þá er nóg að skrökva bara nóg að lækni þá er ekkert mál að svipta aftur þegar fólk er einu sinni komið inn í kerfið.  Fórnarlambið er réttindalaust með öllu og það er ekkert hlustað á fórnarlambið.