Áföll í æsku

                                                                                                                

Áföll í æsku.

 

 Mikið hefur verið rætt og ritað um dulin áhrif áfalla í æsku á heilsufar á fullorðinsárum.  Rannsóknir staðfesta að áföll í æsku geta framkallast sem geðrænir erfiðleikar á fullorðinsárum sem segir hve mikilvægt það er að börn og ungmenni búi við jákvæðar og uppbyggilegar aðstæður í uppvextinum.  Þegar horft er á hve áföll í æsku hafa mikil áhrif á fullorðinsárum þá kemur upp í hugann rannsókn sem stendur yfir núna sem snýr að áfallasögu íslenskra kvenna.  Þessi rannsókn hefur verið töluvert auglýst og er forvitnilegt aðsjá að rannsókn lokinni algengi geðrænna erfiðleika hjá konunum í rannsókninni, algengi geðrænna erfiðleika vegna áfalla í æsku.  Rannsóknir sýna ekki bara að rekja megi erfiða lífsreynslu til áfalla í æsku heldur hefur verið sýnt frammá að það megi líka rekja líkamleg veikindi til áfalla í æsku.  Æskuárin eru mun mikilvægara og viðkvæmara tímabil en hingað til hefur verið haldið samkvæmt rannsóknum, öll framtíð einstaklingsins mótast á æskuárum bæði hvað varðar andlega og líkamlega heilsu. Samkvæmt framangreindu þá er það mjög mikilvægt að veita barni allan stuðning og aðstoð þegar erfiðleika verður vart í umhverfi barns.  Á heimasíðu Geðhjálpar er spurningalisti svokallaður ACE- spurningarlisti  (ADVERSE CHILDHOOD EXPERIENCES), þessi spurningarlisti felur í sér tíu spurningar um áföll og erfiða reynslu á fyrstu 18. Æviárum.  Þeir sem fá fjögur eða fleiri ACE-stig eftir að hafa svarað spurningalistanum eru í meiri hættu á að fá einhverja geðræna erfiðleika en aðrir.  Þetta eru einfaldar spurningar og listanum er fljótsvarað,  fólk sem er í áhættuhópi samkvæmt listanum getur þá stundað eigin forvarnir og leitað til sérfræðinga eins og til dæmis heimilinlæknis eða leitað ráðgjafar hjá Geðhjálp.  Það vilja auðvitað allir komast hjá því að takast á við geðræna erfiðleika hvort sem það er tímabundið eða langvarandi.  Ég hvet alla sem lesa þessa grein að fara inn á vefsíðu Geðhjálpar  og svara ACE-spurningarlistanum til að geta verið sér meira meðvitaður um eigin veikleika og geta þá griðið til fyrirbyggjandi varna með viðtölum við þá sem þekkja til.  Það er vel á sig leggjandi að eyða fimm mínútum í að svara listanum til að fá að vita hvort þú sért í áhættuhópi á að fá geðræna erfiðleika.  Viti maður ekkert um eigin veikleika þá er ekkert hægt að gera í eigin málum til að fyrirbyggja geðræna erfiðleika.