Glæsileg ráðstefna

Þann 23. Október var haldin mögnuð ráðstefna á vegum Geðhjálpar og Olnbogabarna,  ráðstefnan var haldin á Grand hotel og var þéttskipaður salur af áhugasömum ráðstefnugestum.  Það voru mörg áhugaverð erindi flutt og skilur ráðstefnan eftir margar spurningar sem snúa að þjónustu við einstaklinga með geðraskanir og fjölskyldur þeirra.  Eygló Harðardóttir félags-og húsnæðismálaráðherra spurði m.a. hvernig þjónustukerfin vinna saman?.  Það kom fram hjá fyrirlesara að það er lítil samvinna á milli þjónustukerfa svo spurningu ráðherrans var svarað á ráðstefnunni.  Það er gild ástæða fyrir því  að ráðherrann spyrji um samvinnu milli þjónustukerfa,  ef lítil samvinna er milli þjónustukerfa þá er hætta á að einstaklingar falli á milli kerfa og fái enga þjónustu þegar meðferð líkur  hjá einu kerfi.  Það skiptir öllu máli að samvinna sé góð milli kerfa svo meðferð verði fagleg ,  markviss og ein samfelld heild.  Eins og staðan er í dag lítur út fyrir að hvert kerfi fyrir sig vinni algerlega sjálfstætt og virki eins og kóngur í ríkinu án samvinnu við það sem seinna tekur við málinu.  Samvinna milli leikskóla og grunnskóla er fagleg og náin,  þessa samvinnu vantar milli kerfa í geðheilbrigðiskerfinu.  Ráðherrann hefur það verkefni að tengja kerfin betur saman svo meðferð verði ein samfelld heild og fólk detti ekki milli kerfa.  Þetta á ekki að vera flókið verkefni en það bætir geðheilbrigðiskerfið til mikilla muna og það sem meira er þetta kostar ekki peninga heldur fagmennsku og frumkvæði.  Það er alltaf slæmt þegar rof kemur í meðferð vegna óþarfa sambandsleysis og jafnvel  togstreytu milli stofnanna.  Lilja Sigurðardóttir hjá Olnbogabörnum  talaði um að það væri löng bið eftir aðstoð og að oft væri ástandið ekki metið nógu alvarlegt.  Ég hef áður talað um að mikið veiku fólki sé vísað frá svo það eru fleiri en ég sem hafa sömu söguna að segja.  Lausnin við þessu virðist felast í að segja nógu svæsna sögu og vera nógu ábyrgðarlaus þá nær fólk því fram sem það sækist eftir, þvð er mín reynsla.  Komi fólk fram af fagmennsku og ábyrgð þá er málið ekki metið nógu alvarlegt  til að fólk sé tekið til innlagnar.  Geðlækningar byggjast að hluta til á tilfinningu, upplifun og jafnvel líðan geðlæknisins í það og það skiptið.  Með tilliti til þessa þa´má kannski skilja að fólk hefur þá sögu að segja að alvarlega veiku fólki er vísað frá.   En þessi glæsilega og metnaðarfulla áðstefna skildi eftir margar spurningar en þarna var einnig mörgum spurningum svarað og mörg upplýsandi erindi voru flutt sem verða vonandi leiðarvísir í nýrri geðheilbrigðisstefnu sem er á teikniborðinu.

Athugasemdir

[Anna Gunnhildur Ólafsdóttir, 30.10.2014 kl. 16:35]

Sæl Guðrún og takk fyrir frábærtan pistil og hólið til Geðhjálpar. Pistlarnir þínir hitta alltaf beint í mark. Mig langar í tengslum við ráðstefnuna að setja inn tengil með upptökunni. Verði ykkur að góðu: https://www.youtube.com/playlist?list=PLa_fQHzWy263U9jGO2ACDYLHkV4pYfDAA

Hann er líka á facbook (Landssamtökin Geðhjálp) og heimasíðunni www. gedhjalp.is. Bestu kveðjur, Anna Gunnhildur.

P.s. Við erum búin að vekja athygli alþingismanna og fjölmiðla á ráðstefnunni.