Þunglyndi

Fyrir stuttu var frétt á stöð  2   frá svokölluðum ,,geggjaða deginum"  en það var verið að vekja athygli á sjálfsvígum og  þunglyndi. Á  hverjum tíma þjást 15.000 til 20.000 manns af þunglyndi á Íslandi, þunglyndi leggst á alla þjóðfélagshópa og alla aldurshópa.  Það er talið að einn af hverjum fimm muni þjást af þunglyndi, margir sem þjást af þunglyndi draga sig  til baka og þjást í einrúmi.  Fimmtán til tuttugu þúsund manns er mikill fjöldi og dapurt til þess að vita hve mikill fjöldi dregur sig í hlé í stað þess að leita sér aðstoðar.  Hvers vegna dregur svona mikill fjöldi sig í hlé í stað þess að leita sér aðstoðar. skýringin er einföld, það er ekki viðurkennt í samfélaginu að það sé eðlilegt og sjálfsagt að þjást af þunglyndi eins og t.d. af tannpínu eða magaverk.  það eru bæði eigin og annarra fordómar sem fæla fólk frá að leita sér aðstoðar.  Samfélagið hefur ekki efni á að hunsa þennan algenga vágest sem þunglyndi er, það er um mannslífin að tefla.  Þjáning þeirra sem þjást af þunglyndi er óskiljanleg þeim sem ekki hafa reynsluna af þessum sjúkdómi.  Það þarf stöðugt að halda uppi fræðslu og kynningu á eðli þunglyndis, það er eina færa leiðin til að vinna á ríkjandi                             fordómum og hvatning til að leita sér aðstoðar.  Það er dýrt spaug að borga þúsundum einstalkinga veikindalaun eða örorkubætur vegna þunglyndis.  Það er fjárhagslega margfalt ódýrara að halda uppi fræðslu og kynningu og hvatning til fólks um að leita sér aðstoðar.  Það er til meðferðarúræði við þunglyndi og oft reynist ekki erfitt að koma fólki til bata, það vantar bara að halda uppi stöðugri kynningu og fræðslu. sem virkar á einstaklinganna.  Þunglyndi á sér margar birtingarmyndir, sjúkdómurinn virkar ekki eins hjá neinum tveimur einstaklingum.  Helstu einkenni eru  -þreyta og slen   -stöðug depurð og gleðisnauð tilvera   -svartsýni og tilgangsleysi   -pirringur og uppnám af litlu tilefni   -óróleiki og ótti   -einbeitingarörðugleikar   -erfiðleikar við að taka ákvarðanir   -svefnleysi   -vanmáttarkennd, sektarkennd og sjálfsásakanir   -stöðugir verkir víða í líkamanum   -lítil matarlyst   -þyngdartap   -lífsneistinn er horfin og hugsanir um dauða og sjálfsvíg gera vart við sig.  Framangreinda upptalningu tók ég beint upp úr bæklingnum  ,,þunglyndi, algengur sjúkdómur sem ber að meðhöndla"  Einkenni þunglyndis leyna sér ekki og sé veitt aðstoð tímanlega er oft ekki erfitt að eiga við þennan sjúkdóm.  Ég held að hraðin og miklar kröfur sem eru gerðar í okkar samfélagi  kyndi undir þunglyndi.  Það eiga allir að sýna fram á næstum ofurmannlega hegðun og framkomu,  ef einstaklingurinn fylgir ekki kröfuhörðum straumnum þá er viðkomandi ekki gjaldgengur í samfélaginu.  Þessi mikli hraði og yfirgengilegar kröfur framkallar streitu og álag sem ég held að geti endað í þunglyndiseinkennum.  Það þarf að skapa manneskjulegra umhverfi og landinn þarf að hægja á sér til að reyna að koma í veg fyrir fjölgum þunglyndis tilfella,  nóg er nú samt.